काँगड़ी भाषा व्याकरण

                                          (फोटो इंटरनेट से साभार) काल (टेन्स) काल  दा मतलब हौंदा ― समें जाँ टैम।  क्रिया दे जिस रूपे ते कम्म करने दे टैमें दा पता चलदा तिस्सेयो काल ग्लाँदे।  मलतब जिस रूपे ते क्रिया दे हौंणे दे समैं दा पता लग्गे सैही काल हौंदा। जिंञा कि ― •मैं खाणा खाह्दा। •मैं खाणा खा दा। •मैं खाणा खाणा है। इन्हाँ तिन्नाँ वाक्याँ च कर्ता (मैं) कनैं क्रिया (खाणा) इक्को ही हन्न अपर करने दा टैम बखरा-बखरा है। ‘खाह्दा’ मतलब खायी लिह्या (भूत काल), ‘खा दा’ मतलब खाणा लग्गेह्या (वर्तमान काल) कनैं ‘खाणा है’ मतलब अतिह्यैं खाणा है (भविक्ख काल)। इस तरहाँ ‘काल’ दियाँ तिन्न किस्माँ हौंदियाँ हन्न ― (क)   भूत काल। (ख)   वर्तमान काल। (ग)    भविक्ख काल। (क)   भूतकाल― भूतकाल=भूत+काल। भूत मतलब बीती चुकेह्या कनै काल मतलब समैं - बीती चुकेह्या समैं।  क्रिया दा सैह् रुप जिसते बीतेह्यो वक्ते च कम्म दे हौयी जाणे दा पता लग्गे, भूतकाल क्हांद...